Azerçay

Azerçay is rated 3 out of 5 in the category food production. Read and write reviews about Azerçay. Dünyanın bir çox ölkələrində böyük məmnuniyyətlə istehlak edilən “AZERÇAY” Azərbaycanın milli brendi, yerli, təbii və doğma çayıdır. Hazırda dünya bazarında müxtəlif markalı çaylar mövcuddur ki, onların içərisində “AZERÇAY” özünəməxsus yeri və rolu ilə fərqlənir. Azərbaycan çayının spesifikliyini və təravətini özündə əks etdirən “AZERÇAY” 1996-cı ildən etibarən Azərbaycan bazarına ilk milli çay markası kimi daxil olub. Bu marka Şərqin gözəl guşəsi olan Azərbaycanın çay bağçalarından toplanmış yüksək keyfiyyətli çayların qarışığını özündə əks etdirməklə yanaşı, fərqli istehlakçı zövqünə yönəlmiş rəngarəng çay çeşidlərini əhatə edir. “AZERÇAY” markasının hədəf kütləsi nəinki ənənəvi Azərbaycan çayını istehlak etmək istəyən, həm də fərqli və ya xüsusi çay çeşidlərini (meyvə, bitki tərkibli və s.) sevən, həmçinin bu çayları heç bir marka ilə əvəz etmək istəməyən istehlakçı qruplarıdır. Dünya standartlarına uyğun, gigiyenik və təhlükəsizlik göstəricilərinə görə beynəlxalq sertifikatlar almış “AZERÇAY” markası yüksək keyfiyyətli qara və yaşıl çay çeşidləri ilə dünya bazarında çox böyük rəğbət qazanıb. Hal-hazırda “AZERÇAY” markası Rusiya, Ukrayna, Belarus, Litva, Polşa, Qazaxıstan, Qırğızıstan və s. kimi ölkələrlə yanaşı Amerika Birləşmiş Ştatlarına da ixrac olunur.